Padayon ang tinguha sa Rotary Club District 3860 na makahatag og serbisyo sa katawhan ilabina ang pagtukod og maayong kabubut-on ug kalinaw sa katilingban. Sa pakig-alayon sa Lokal nga Panggamhanan pinaagi sa City Social Welfare and Development Office (CSWDO) mibisita ang grupo sa St. Therese Crisis Center ngadto sa Barangay Datu Abdul Dadia, Panabo City adtong Hulyo 1, 2022.
Subay kini sa ilahang temang, “The Imagine Rotary” diin gisaulog nila ang New Children’s Party alang sa 16 ka mga kababaehan na nabiktima sa mga pang-abuso. Atol sa kalihokan, naghatag sila og mga pagkaon, personal nga mga kinahanglanon sama sa towel, napkins, tsinelas, sabon ug uban pa lakip na ang gi-andam na programa mismo sa nagkalaing grupo sa distrito.
Gipangunahan kini ni Assistant Governor Mary Ann Bantayan, Area 2D Club Presidents kauban ang mga participating clubs na Rotary Club of Tagum, Rotary Club of Tagum North, Rotary Club of Tagum Golden Aces, Rotary Club of Central Panabo City, Rotary Club of Davao de Oro, ug Rotary Satellite Club of Tagum Golden Laces Compostela.
