23.3 C
Cagayan de Oro
Thursday, July 7, 2022
spot_img
HomeNationEkonomista mipasidaan sa pagkahagba sa ekonomiya

Ekonomista mipasidaan sa pagkahagba sa ekonomiya

Gipasidan-an karon ni kanhi Bangko Sentral ng Pilipinas deputy governor Diwa Guinigundo ang mga Filipino nga posibleng mahugno ang ekonomiya sa nasod kun modaog si Ferdinand “Bongbong” Marcos, Jr. sa Mayo 2022 nga eleksyon.

Matod ni Guinigundo, ang sunod nga presidente sa nasud makapanunod og ubay-ubay nga mga problema, ang nag-una niini mao ang outstanding nga utang sa Pilipinas nga 12 trilyon pesos nga natigom sa administrasyong Duterte taliwala sa COVID-19 pandemic.

Dugang pa niya nga si Marcos, Jr., walay klaro nga plano sa ekonomiya para sa nasud kung siya ang mahimong sunod nga Presidente. “Walay plano si Marcos Jr. nga motambong sa presidential fora o debate nga gi-organisa sa media ug lain-laing organisasyon. Nahadlok siya nga pangutan-on bahin sa daghang mga isyu nga naglibot kaniya ug sa iyang pamilya,

”ingon ni Gunigundo. “Kini nga mga debate ug forum hinungdanon aron ang mga botante makapili nga maalamon sa mga kandidato.”

Si Bongbong Marcos, Jr. mao ang anak ni anhing diktador Ferdinand Marcos, Sr., kinsa mibiya sa nasod nga nabangkarota sa iyang 20 ka tuig nga paghari isip despot. Nagtuo si Gunigundo nga maglisod si Marcos, Jr. sa pagpasabot sa mga pagpasobra sa iyang pamilya sa mga tuig sa martial law.

“Maglisod siya sa pagpasabot sa dakong bahandi sa iyang pamilya,” matod sa kanhi gobernador sa BSP. Dugang ni Gunigundo nga kining tanan gihukman na sa Korte Suprema isip ill-gotten gikan sa panudlanan sa nasud.

Dako ang pagduda ni Gunigundo sa kapasidad ni Marcos, Jr. nga mangulo, ilabina sa panahon nga nag-atubang ang nasud sa daghang problema nga dala sa pandemya ug mga utang nga napundo sa administrasyong Duterte.

“Sa tanan niyang katuigan isip bise gobernador, gobernador, kongresista ug senador nga nagrepresentar sa katawhan sa Ilocos Norte, nagpabiling layo ang iyang probinsiya sa ubang mga progresibong probinsiya sama sa Cebu, Laguna, Batangas ug Cavite,” mihunahuna si Gunigundo. “Dili gani niya mapauswag ang kinabuhi sa iyang mga konstituwente, unsa pa ang tibuok nasud?”

Si Gunigundo midugang: “Wala pa ikapadayag ni Marcos, Jr. ang iyang mga plano sa pagsulbad sa dakong depisit sa panalapi sa gobyerno, pagsulbad sa nagkadaghang utang sa nasod, ug mga detalye sa plano sa pagkonsolida sa piskal nga makadasig sa pagsalig sa langyaw ug lokal nga mga negosyo nga ang gobyerno sa Pilipinas dili mabangkarota.” ###

RELATED ARTICLES
- Advertisment -spot_imgspot_img

Most Popular

Recent Comments