27.2 C
Cagayan de Oro
Sunday, July 14, 2024
spot_img
HomeOpinionNAA BA MGA MILAGRO NGA DILI NINYO GUSTO NGA MADISKUBRE?

NAA BA MGA MILAGRO NGA DILI NINYO GUSTO NGA MADISKUBRE?

By: Joe Pantoja

Sukad na take-over na sa Local Water Utilities Administration (LWUA) ang Cagayan de Oro Water District (COWD) pinaagi sa pag assign sa usa ka interim General Manager ug mga miyembro sa Board of Directors (BOD), daghan migawas nga mga pangutana sa legalidad sa pagkuha sa LWUA.

Duha ka personalidad sa COWD nga sila si General Manager Antonio B. Young ug BOD member Gerry J. Caño ang pirmi nanguna sa hungihong sa mga tawo na dili na kinahanglan ang pagsulod sa LWUA sa COWD. Si BOD member Caño usa ka appointed ni Mayor Klarex Uy sa COWD.

Sukad nga gimando ni Presidente Ferdinand “Bong Bong” Marcos Jr ang pagsulod sa LWUA aron ayohon ang problemadong COWD, todo suporta ug kooperasyon ang gipakita ni Mayor Klarex A Uy sa direktiba ni PBBM.

Katingalahan lang nga kini silang duha aduna pay laing gihunahuna nga supakon ang mando mismo ni PBBM. Labi na kay ang CDO LGU may guidance oversight man sa COWD. Morag mas kahibawo pa sila si Young ug Caño kay kang Mayor Uy. Morag nanghambog sila nga mas nasayod sila sa balaod ug proseso sa gobyerno kaysa ka PBBM.

Sa kadaghan sa mga pagsupak nga nahimo, apil sab sila sa misang-at og petisyon alang sa TRO nga temporaryong ihunong ang pag take over sa LWUA. Sir Young ug Sir Caño, basin ug ang desisyon sa korte sa inyong TRO appeal maoy makapatin-aw sa inyong hunahuna. DENIED sa korte ang inyong TRO appeal.

Sa desisyon sa korte, klaro ang questionable ang pagdumala sa COWD mao nang namiligro ang supply sa tubig sa mga Cgayanons. Klaro sab nga way maayong padulngan kon tumanan ang inyong hangyo nga ma-TRO ang LWUA takeover.

Pasensya na, pero medyo makaduda ko sa inyong balikbalik nga mga storya. Dili kaha kamoy naay gipangbuhat na milagro samtang nagdumala sa COWD nga nakapaproblema sa sitwasyon niini? Mga milagro nga mahimong motumaw sa audit ug imbestigasyon nga gihimo sa mga interim nga opisyal gikan sa LWUA? Dili ba kaha gusto ninyo nga mawala una ang LWUA ug mobalik una sa inyo lugar aron limpyohan o tagoan ang mga milagro, kung naa? Bisan paman niini nga mga pangutana, wala ako magtuo nga aduna kamoy gusto nga tagoan sa COWD.

Kay kung para gyud sa pag-uswag sa serbisyo sa COWD para sa mga Cagayanon ang gusto sab ninyo, kinahanglan nga kauban ninyo si Mayor Uy sa paghatag og hingpit nga suporta ug kooperasyon sa pagpatuman sa direktiba ni PBBM.

Dili ko abogado, dili ko sigurado kung ang na deny nga TRO petition mahimong iapela sa Court of Appeals o bisan sa Korte Suprema. Kung moadto ka, maghuna-huna gyud ang mga Cagayanon nga basin naa kay sekreto nga di nimo gustong madiskobrehan. Ang dili pa maayo, basin maghunahuna kadtong mga malisyoso diha nga kontra nimo si Mayor Uy. Siya ang nag-appoint nimo ug dili katingad-an nga bisag unsaon nga makatambag pa siya nimo. Unsolicited advice para ninyo Sir Caño ug Sir Young, sundoga ninyo si Mayor Uy, sa paghatag ug tinuoray nga suporta ug kooperasyon sa pagdumala, imbestigasyon, ug paghusay sa COWD niining mga interim nga opisyal.

Mao na ang gusto sa mga kliyente sa COWD. Matarung ang serbisyo sa ilang water district. Mawala na ang peligro sa supply sa tubig. Labaw sa tanan, hunonga na ang inyong pagsuway sa mga mando ni PBBM.

RELATED ARTICLES
Advertismentspot_img

Most Popular

Recent Comments