24.3 C
Cagayan de Oro
Thursday, June 20, 2024
spot_img
HomeAdvertisementsMt. Inayawan i-deklara isip ASEAN Heritage Park

Mt. Inayawan i-deklara isip ASEAN Heritage Park


I-deklara ang Mt. Inayawan Range Natural Park sa Nunungan, Lanao del Norte isip Association of Southeast Asian Nations (ASEAN) Heritage Park.

Si Nunungan Mayor Marcos Mamay niingon nga ang opisyal nga deklarasyon pagahimoon karong umaabot Hunyo 28.

Niadtong tuig 2007, ang Mt. Inayawan Range Natural Park gideklara isip protected area ubos sa Proclamation 1344 nga gi-isyu ni kanhi president Gloria Macapagal-Arroyo.

Ang natural park gipahimotang ubos sa Administrative jurisdiction sa Department of Environment and Natural Resources.

Matud pa sa ASEAN Center for Biodiversity, ang ASEAN Heritage Parks mao ang mga protected areas nga gikinahanglan ikonserbar, ipreserbar ang kinatibuk-an nga ecosystem sa ASEAN region.

Kining mga lugar gi-establisar aron paghatag og igong kahibalo, garbo, pagdayeg, kalingawan, ug konserbasyon sa kahimsog sa ASEAN’s natural heritage pinaagi sa regional network sa representante sa protected areas ug pag-generate og kolaborasyon sa mga membro sa ASEAN para mapreserbar ang ilang gipaambit nga natural heritage.

Adunay molabaw 50 ka ASEAN Heritage Parks, ang siyam niini ania sa Pilipinas. Kini naglakip sa Agusan Marsh Wildlife Sanctuary, Mt. Apo Natural Park, Mt. Hamiguitan Range Wildlife Sanctuary, Mt Kitanglad Range Natural Park, Mt. Makiling Range Forest Reserve, Mt. Malindang Range Natural Park, Mt. Iglit-Baco National Park, Mt. Timpoong Hibok-Hibok Natural Monument, ug Tubbataha Reefs Natural Park. #TayoAngKalikasan (Gikan sa taho sa Strategic Communication and Initiatives Service) RSCIG-04-105-2023

RELATED ARTICLES
Advertismentspot_img

Most Popular

Recent Comments