23.3 C
Cagayan de Oro
Sunday, June 26, 2022
spot_img
HomeThe RegionNorthern MindanaoGovernor's Legal Aid Program (GLAP) gilusad sa Bukidnon

Governor’s Legal Aid Program (GLAP) gilusad sa Bukidnon

MALAYBALAY CITY, Bukidnon, Sept. 30 (PIA)—Gilusad sa Bukidnon ang Governor’s Legal Aid Program kon GLAP aron maghatag ug tabang ug suporta’ng legal alang sa mga kabus sa katilingban nga nanginahanglan ug legal nga opinyon apan dili makabayad ilabi na niadtong mga biktima sa ubos nga suhulan ug lakip na niini ang mga biktima sa ‘Sexual Human Trafficking’ nga nanimuyo sa probinsya sa Bukidnon.

Gipangulohan sa Provincial Legal Office sa pagpanguna ni Atty. Paul Vincent Villegas kauban ang opisina sa Provincial Social Welfare and Development Office o PSWDO sa pagpanguna usab ni Ms. Ceferina Caiňa, ang maong mga ahensya inabagan sa mga banggiitan nga mga abogado sa Integrated Bar of the Philippines o IBP nakigtambayayong sa kagamhanang probinsyal aron makaangkon ug hustisya ug kaangayan ang mga linupigan.

Sa maong programa, mahatagan ug higayon ang mga katawhan sa probinsya nga makaangkon ug legal nga tambag ug serbisyo aron sila masayod sa ilang mga tawhanong katungod ug mga responsibilidad pinaagi sa mga propesyonal nga mga eksperto sa mga legal nga opinyon ug aspeto.

Base sa report sa DSWD-Region X, ang Bukidnon anaa sa ikatulo sa adunay pinakadaghan nga biktima sa ‘human trafficking’ sa Northern Mindanao ilabi na sa labor diin kadaghanan niini naa sa mga Indigenous Community o mga lumad sa probinsya. Ang maong programa gilauman usab nga dako ug ikatabang nga mapa-ubos ang ihap sa kriminalidad ug pagpangabuso.

Gumikan sa pandemya nga COVID-19, nangayo ug dispensa ang Provincial Legal Office nga dili una sila modawat sa pisikal nga pakig-atubang sa mga kliyente apan pwede silang makontak pinaagi sa ilang hotline numbers, 0905-646-8617 o i-email sa bukidnonlegal@gmail.com o i-private message (PM) sa facebook account sa Provincial Legal Office-Bukidnon. (PGO-PAIA/PIA Bukidnon)

RELATED ARTICLES
- Advertisment -spot_imgspot_img

Most Popular

Recent Comments