23.8 C
Cagayan de Oro
Wednesday, June 29, 2022
spot_img
HomeThe RegionNorthern MindanaoGov. Zubiri mipahimangno sa mga mayor nga ipadayon ang pagpakigbatok sa COVID-19

Gov. Zubiri mipahimangno sa mga mayor nga ipadayon ang pagpakigbatok sa COVID-19

MALAYBALAY CITY, Sept. 28 (PIA)—Nagpahimangno pag-usab si Bukidnon Governor Jose Maria R. Zubiri, Jr. ngadto sa mga mayor sa 20 ka lungsod ug duha ka syudad ning probinsya atol sa gipahigayong Provincial Development Council meeting niadtong Septembre 16 nga ipadayon ang ilang mga programa sa pagpakigbatok sa COVID-19 sa ilang tagsa-tagsa ka mga lokal nga kagamhanan.

Lakip na nini ang pagpahinumdum sa katawhan sa kanunay’ng pagsuot ug face mask ug face shield, pagamit sa alcohol, pagpanghugas sa kamot, pagdistansya sa kadaghanan, pagpabilin sa balay kung walay importanteng tuyo sa gawas ug hugtanong pagsunod sa mga ‘health protocols’ nga gipatuman sa Department of Health (DOH).

Gi-awhag pud ni Gov. Zubiri ang mga Local Government Units (LGUs) sa pagpadayon sa ilang Quarantine Control Points, pag-isolate sa mga dunay gibati nga sintomas sa COVID-19, pagpa-quarantine sa mga Locally Stranded Individuals o LSIs ug Returning Overseas Filipino Workers o ROFs, pagpahamtang sa Zonal Containment Strategy sama sa Critical Zone, Containment Zone, Buffer Zone, ug Outside Buffer Zone. (BGEpan/PIA Bukidnon)

RELATED ARTICLES
- Advertisment -spot_imgspot_img

Most Popular

Recent Comments