24.4 C
Cagayan de Oro
Saturday, July 2, 2022
spot_img
HomeThe RegionNorthern MindanaoDTI nagpahigayon ug livelihood training sa 66 ka mag kanhing rebelde sa...

DTI nagpahigayon ug livelihood training sa 66 ka mag kanhing rebelde sa Bukidnon

MALAYBALAY CITY, Sept. 28 (PIA)—Ang Department of Trade and Industry (DTI) nagpahigayon sa duha ka adlaw nga livelihood training sa “Mushroom Production” ug “Dishwashing Liquid Making” alang sa 66 ka mga kanhi rebelde (FR) gikan sa Southern Bukidnon nga gipahigayon niadtong Septyembre 22-23 sulod sa kampo sa 88th Infantry Battalion, Philippine Army sa Maramag, Bukidnon.

Singkwenta niini ang nag bansay sa paghimo sa “Mushroom Production,” ug 16 ka mga kanhing rebelde, kadaghanan babaye, ang nagbansay sa “Dishwashing Liquid Making”.

Kini nga programa sa DTI ubos sa “Pangkabuhayan sa Pagbangon at Ginhawa,” usa ka livelihood ug entrepreneurship nga programa sa departamento.

Miha-um kini sa programa ni Pangulong Rodrigo Duterte nga “End Local Communist Armed Conflict kon ELCAC” ubos sa “Poverty Reduction, Livelihood and Employment” nga cluster aron sa pagkab-ot sa malungtaron nga kalinaw ug kalambo-an.

Si DTI Bukidnon Provincial Director Eriberto Taban-ud Jr. miingon nga ang DTI migahin og P300,000 alang sa “Mushroom Production Training” ug laing P100,000 alang sa training sa paghimo og sabon nga “Dishwashing Liquid.”

Dugang ni DTI Business Development Division Chief Junar Merla nga kini nga proyekto alang sa mga kanhi rebelde makatabang kaayo sa mga FR alang sa ilang adlaw-adlaw nga panginahanglanon.

Napili nila kining Mushroom Production ug paghimo sa Diswashing Liquid tungod kay matud pa ni Merla gamay ra ang gastos ug dali ra makat-onan.

“Gila-uman sa ahensya sa DTI nga gamiton gyud sa mga kanhi rebelde ang ilang natun-an ug maningkamot sila nga maka “income” sila tungod niini kay mao man ang atong tuyo nga maka-generate ta’g income ug ilang panginabuhian,” dugang ni Merla.

Tungod niini, giseguro ni Lt. Colonel Franklin F. Fabic, Commander sa 88th Infantry Battalion, nga dunay mag-monitor sa mga FRs aron maseguro nga ma-apply nila ang ilang natun-an.

“Masiseguro natin ito na tuloy-tuloy na mamonitor ang pag unlad ng project na ito, at the same time kung may concerns sila, maipaparating ang kanilang concerns sa Barangay Task Force ELCAC—thru barangay captain at sa ating community support teams,” si Lt. Col. Fabic midugang pag-ingon.

Sa kasamtangan, gi-awhag ni DTI provincial director Eriberto Taban-ud ang mga FRs kon mga kanhi rebelde nga magnegosyo tungod kay sa negosyo, kanunay dunay daghang higayon nga molampos basta maayo ang pagdumala niini.

“Ang gobyerno, pinaagi sa Whole-of-Nation Approach, kanunay andam nga motabang sa mga kanhing rebelde, dili lang ang DTI, apan apil ang tanan nga ahensya sa gobyerno,” dugang ni Taban-ud. (BGEpan/PIA Bukidnon)

RELATED ARTICLES
- Advertisment -spot_imgspot_img

Most Popular

Recent Comments