27.7 C
Cagayan de Oro
Thursday, August 18, 2022
spot_img
HomeFront PageBalitang BinisayaArbor Day celebrated in Oroquieta City

Arbor Day celebrated in Oroquieta City

Aron mapahiuli sa maayong kahimtang ang kabukiran, mikabat sa 2,000 ka semilya sa Polayo species nga kahoy ang gipananum sa 171 ka mga partisipante gikan sa nagkadaiyang hugpong sa katawhan. Kini gihimo atol sa kasaulogan sa Arbor Day niadtong Hunyo 25 didto sa Sitio Kanowanan, Barangay Toliyok, Oroquieta Ctiy.

Sa iyang taho kay Regional Executive Director A. Adornado, si Community Environment and Natural Resources [CENR] officer Thomas L. Cardente II sa CENRO Oroquieta mibutyag nga adunay 1.2 ektaryas nga luna ang gitamnan  sa semilya sa kahoy. Ang mga tree planters mao ang membro sa Youth Leaders for Peace, Philippine National Red Cross, Church of Jesus Christ of Later-day Saints, Local Government Unit – City Engineering Office, Parole and Probation Office, Barangay Local Government Unit, Oroquieta City Young Leaders Alliance, Sangguniang Panlungsod ug Bantay Misamis Occidental.

Ang Arbor Day gitawag usab og Tree Planting Day. Ang selebrasyon nalatid sa Akta Republika No. 10176 o Arbor Act of 2012. Gimandoan ang mga probinsya, syudad ug lungsod kauban ang ilang barangay sa pagduyog sa pagpananum sa kahoy.

Atong mahinumduman nga ang mga Pilipino nga adunay maayong panglawas og nag edad sa 12 anyos gimandoan nga motanum sa us aka kahoy matag tuig.

Sa laing bahin, aron pagtimaan sa Wolrd Environment Day niadtong Hunyo 5, ang CENRO Oroquieta city ang mihimo og river clean-up niadtong hunyo 3 sa Barangay Ospital ug Dalisay, Aloran, Misamis Occidental. Kini ghimo aron malimpyohan ang mga daplin sa suba sa nasangpit nga mga lugar.

Ang 88 ka mga individual nga nakig – uban sa pagpanglimpyo naka kolekta og 10 ka sako sa solid wastes sama sa palstics, cellophanes, botilya, ug uban pa. Kini adunay 14 ka kilograms ug 347.18 ka metros ang nalimpyohan sa nasangpit nga mga lugar.

Ang miduyog sa pagpanglimpyo mao si Barangay Kapitan Rener M. Marille sa Dalisay og Barangay Kapitan Protacio Mission sa Ospital, CENRO Cardiente ug personahe sa CENRO Oroquieta, barangay Local Government Unit officials, youth Senior Citizens, Sangguniang Kabataan members, empleyado sa Municipal Environment and Natural Resources Office sa Aloran ug mga residente sa maong mga lugar. [Gkan sa taho sa CENRO-oroquieta City/ #TayoAngKalikasan

###

RELATED ARTICLES
- Advertisment -spot_imgspot_img

Most Popular

Recent Comments