Contact tracing team wala pay nakita nga ARI cases sa Macanhan, Carmen

THE REGION
By CAGAYAN DE ORO CITY INFORMATION OFFICE
May 22, 2020

SHARE

WALAY pay nakitang nag-manifest og acute respiratory illness (ARI) sa Macanhan, Brgy Carmen sa gipahigayong expanded contact tracing sa mga health personnel sa pagpangulo ni Dr. Teodulfo Joselito Retuya, city epidemiologist.

Gipasabot ni Dr. Retuya nga bisan pa man og midawat sa Social Amelioration Program ang babayeng 62 anyos nga COVID-19 confirmed case sa maong dapit apan milapas na kini nga panahon alang sa incubation period sa virus ug wala pa sila’y nakitang adunay mild acute respiratory illness (ARI) sa mga residente nga duol sa panimalay sa pasyente o nakauban niini sa paglinya sa SAP.

Dugang pa ni Retuya bisan pa man og wala pa makitai og ARI ang mga molupyo sa maong dapit, apan gitutokan usab sa Barangay Health Workers (BHW) kauban ang Barangay Nutrition Scholars (BNS) ang ‘focused contained area’ ug kung adunay makitaan og symptoms ipailawom gilayon sa swab testing.

Gani man, gibutyag ni Dr. Retuya nga ikaduhang hugna na ang house-to-house surveillance sa maong dapit aron pagsiguro nga mapugngan ang pagkaylap sa virus. Samtang anaa na usab sa City Isolation Unit (CIU) ang bana ug anak sa COVID-19 confirmed case ug hugot nga monitoring ug assessment ang gihimo sa mga nagdumala sa CIU.


RELATED ARTICLES

LEAVE A REPLY

Subscribe Now!

Receive email updates from Mindanao Daily News.