Zuellig Pharma lauds Oro's health office online consultation

THE REGION
By ABIGAIL MALALIS, Cagayan de Oro City Information Office
June 4, 2020

SHARE

DAKONG garbo ug kalipay sa mga kadagkoan ug personahe sa City Health Office (CHO) nga gihimong modelo sa Zuellig Pharma ang CHO Online Consultation.

Matud ni Dr. Lorraine Nery, city health officer ug head sa Emergency Operations Center, nga usa sa labing unang syudad ang Cagayan de Oro sa tibuok nasud nga nagtanyag og online consultation niining panahon sa COVID 19 pandemic.

Ang online consultation pinaagi sa CDO City Health Doctors facebook page gilusad niadto lamang Abril 22 ug mokabat na sa kapin 800 ang naserbisyohan dili lamang molupyo sa Cagayan de Oro, apan lakip na mga silingang probinsya.

Gani man, gibutyag ni Dr. Nery nga adunay nagpakonsulta nga taga laing nasud sama sa New York, Spain, Israel, Africa ug uban pa.

Ang online consultation nakatabang og dako nga dili na kinahanglan pang mobisita ang adunay balatian sa hospital niining panahon sa pandemic tungod sa kahadlok usab sa uban nga ma-expose sa virus ug sa uban pang sakit.

Gani man, ang online consultation dako’g tabang nga matambalan gilayon ang mga adunay acute respiratory illnesses ug influenza like illness (ARI, ILI) nga sarang sintomas sa COVID 19.

Tungod niini, mapasalamaton ang CHO ug ang administrasyon ni Mayor Oscar Moreno sa mga nidangop sa online consultation sanglit mahinungdanong matambalan dayon ang mga ARI ug ILI.

Mahimong mo-avail sa online consultation adlaw’ng Lunes hangtud Biyernes gikan alas 8:00 sa buntag hangtud alas 5:00 sa hapon ug adunay mga medical doctors nga mag-atiman sa katawhan.


RELATED ARTICLES

LEAVE A REPLY

Subscribe Now!

Receive email updates from Mindanao Daily News.